سلمان الطشه
04-28-2009, 08:47 PM
أجرى اللقاء عبدالعزيز الجناحي:
في ظل الندوات والمناظرات التي كان الصراخ والتهديد لونها والمقابلات الصحفية التي حملت عناوين ومانشيتات اعتاد الشارع الكويتي قراءتها، يظهر المرشح الذي كان شعاره البديل ثم بعد التعديل وأطلق عليه أيضا النائب الواحد والخمسين خارج المجلس مرشح الدائرة الثالثة محمد راشد الحفيتي ليؤكد أن الهزل والسخرية هما المطلب الحالي لانهاء ما في (الديرة) من تأزيم، مبينا أن المرشحين (ما عندهم ما عند جدتي) وبرنامجهم الانتخابي الذي يصرخون فيه في ندواتهم (بايقينه من النواب اللي قبلهم) ومطالبا أهالي الدائرة الثالثة أن لا يغرهم الصراخ والبوفيهات وأن يلتفتوا إلى مصلحة الديرة ويحسنوا اختيار المرشحين لأنه مصيرهم ومصير دولتهم وذلك في هذا اللقاء :
اطمح للفوز
لماذا تشارك في الانتخابات وانت تعلم انك خسران؟
- أنا بالعكس أبي أفوز لكن الحملة الانتخابية يبيلها اعداد كامل من قاعدة مفاتيح انتخابية ومناديب ولجان مختلفة وطاولات وأكل وفلوس فهي تكلف الكثير وأنا ما أقدر على هذه التكاليف، لكن في وقت الانتخابات ربعي والقراب مني يساعدوني والمبلغ اللي أحطه حق حملتي الانتخابية يساوي المبلغ اللي يحطه منافسيني حق عشا يومين انما النجاح ليس من يصل الى الكرسي الأخضر بل النجاح هو أن تأتي لك الناس وتسمع طرحك اللي لا يستطيع غيرك يقول وانا أفتخر بطرحي الجريء.
ارقام ثابتة
أرقامك في الانتخابات دائما متقاربة أوثابتة هل في جماعة ثابتة تصوتلك في الانتخابات؟
- لا مافي جماعة معينة هذي الأصوات اهي الناس اللي قدرتني والمرة الأخيرة كان رقمي 183 ووراي 25 نفر في الترتيب ورقمي زين بالنسبة حق توتال المرشحين، لكن وضعي في الثالثة مثل الحداق اللي ما يدري بصيد سمج ولا لأ لكن أطمح اني اقول الكلام الزين اللي تبي تسمعه الناس.
- صج تبي تتحالف مع حريم؟
- والله كنت أبي اتحالف مع حريم بس حالتهم المادية مو ذاك الزود وأنا كذلك ما عندي فلوس فما سعفنا الحظ للتحالف.
والجويهل مو مفكر تتحالف معاه عنده فلوس الدنيا؟
- الجويهل ما عندي مانع اتحالف وياه لأنه قول وفعل، فالجويهل لما وعد اللي يرشح نفسه للثالثة ياخذ 500 وفى بوعده وعطاني 500 لكن مرشحين الثالثة ولا واحد فيهم قول وفعل كلهم حجي زايد ويسوون السقف قبل العواميد.
لماذا تمزج بين الجد والهزل في ندواتك ولقاءاتك؟ هل هذه نظرية جديدة للفوز؟
والله الكثير من الناس يستخدمون السخرية للوصول ومنهم وزراء ورؤساء دول وصلوا بالهزل احسن من نوابنا اللي صوتهم يلعلع على الطل والسخرية لا بد منها والناس تبي تسمع البرنامج الانتخابي بشكل ثاني.
الحل غير الدستوري
شرايك بالحل غير الدستوري؟
- الديموقراطية والمجلس مع العيوب اللي فيه نحبه وهذا الشيء نفتخر فيه وغيرنا من الدول مو محصلين هالحرية والدول الثانية لو يجتمعون اثنين ثلاثة يقبضون عليهم، بس اخواننا ما وصلوا الى المجلس الا بعقلهم الاستجوابات وتعبوا الناس والحكومة فيجب أن يكون عندهم أولوية في الطرح بعد ما يصير نطبخ ملح وشكر مع بعض بس فالحين بالتأزيم.
شرايك بالنواب اللي يحبون التأزيم والظهور الاعلامي؟
- مو زين وحرام عليهم يسوون بالدولة هالشكل وانتوا عيال الدولة وتمثلونا داخل المجلس ووخروا عن الشوشرة والبلاوي فالمجلس لازم تستغلونه لاخراج قوانين اصلاحية فالمجلس مطبخ القوانين لكن اللي قاعد يسوونه عيب عيب عيب ثلاث مرات.
مخرجات الفرعيات
شرايك بمخرجات الفرعيات؟
- والله الفرعيات مو غريبة علينا فمن زمان كانوا يسوون فرعيات لكن الحين طلع قانون يمنع الفرعيات من مجلس الأمة اللي وافقوا عليه النواب لكن شلون الحين يطالبون بالغاء القانون وزين يسوون فيهم الشرطة لانهم مخالفون للقانون.
هناك نواب اسلاميون خالفوا القوانين التي تجرم الفرعيات من خلال دخول الفرعية؟ تعليقك؟
- هذيل اللي يدعون انهم اسلاميون ويخالفون قوانين الدولة هذيل منافقون وغير دخولهم الفرعيات قاعد يحجزون اراض حق مقراتهم بدون ترخيص فمو غريبة عليهم مخالفة القوانين واللي يخالف القوانين ويقول انه اسلامي فهذا منافق ونص.
أحب الخرافي
اذا كنت عضواً في مجلس الأمة السابق تصوت لمن حق الرئاسة؟
- أنا غير الخرافي ما أصوت لأني أحبه وأعده رجل داخل المجلس أمام الصراخ فأنا أسميه المطافي الرئيسي داخل مجلس الأمة للحكومة والشعب.
منو تتمنى يفوز غيرك في الدائرة؟
- والله في مرشحين يستاهلون لكن في وايد منهم مسكوا لجان ونواب مجلس ورئيس مجلس في المجلس كثر خيركم ومشكورين لكن يقعدون في بيتهم أحسن بلا صراخ، والشرهه على اللي وصلهم قبل كانوا حفاي منتفين والحين كل واحد من عياله عنده سيارة تسوى خمسين ألف وصاعد غير الشركات والبوقات.
في مقابلة سابقة كنت تبي (فيلجا) تكون مركز للوناسة والرقص والشرب، هل ما زلت مع مطالباتك؟
- لا يا معود وخرنا عن هالسؤال يدمرنا، ما نبي الا الخير حق الكويت خلونا على الحدايق وطلعات الأسر مع بعض وبلا بلاوي وسوالف بطالية.
هل أنت مع تواجد الجنوس في الكويت؟
- الجنوس موجودون في الكرة الأرضية كلها، لكن أنا مو مع الجنوس واذا خليناهم بالكويت بروحون فيها عيالنا، فوين حدس ما حدس عن هالسوالف بس فالحين بالصراخ خل يشوفون حل مع الجنوس.
بس يا بحر
(البديل) و(البديل بعد التعديل) شعاراتك السابقة، شنو شعارك هذي السنة؟
- شعاري الانتخابي هالسنة (بس يا بحر)، واقصد في البحر خير الكويت اللي خذوه النواب، وافتخر دائما اني العضو واحد وخمسين خارج المجلس.
شنو مطالباتك اذا دخلت المجلس؟
- والله اطالب النواب بأن يتخلوا عن رواتبهم اللي تساوي نص مليون دينار خلال اربع سنين ويبنون مستشفى اسمه (مستشفى من حساب أعضاء مجلس الأمة) ولا يعالج فيه الا الكويتيين.
يقول المثل (رب ضارة نافعة)، هل في ضارة ممكن تفيدك لتدخل المجلس؟
- لا ما اعتقد فاخوانا بالدائرة الثالثة وخاصة اللي متجمعين في كيفان منفتحين في اللبن ما يخلون لك (قظ ابرة).
اذا كنت رئيس مجلس الأمة شلون تسكت النواب اذا صارخوا؟
- اطق المطرقة لكن راح تنكسر لأني حاجم، أطق بيدي وأطبلهم يمكن يمزجون واذا ما سكتوا احطلهم موسيقى (جاز) اخليهم يلهون ويستانسون.
بس الاسلاميين بيعترضون على سماع الأغاني؟
- ولا يزعلون أحطلهم أناشيد العفاسي واخليهم شوي يعيشون الدور وإذا ما وقفوا صراخهم اطفي الكهربا عليهم وأرفع الجلسة.
نصائح
نصايح للنواب السابقين والمرشحين الحاليين؟
- الله يوفقهم كلهم لكن في أسماء أبي اعلق عليها، الشايجي أقوله ترى الثوب الطويل يعت وقصر لسانك مو زين اذا طال لسانك تراك وليد صغير ونحبك، ومرزق الغانم اقوله خلك بتجارتك ومصلحتك لا تقط بهالفلوس شوفلك العوايل المحتاجة والمرضى و تراك توك شباب وانطر يومين يمكن تصير رئيس، اسيل العوضي انتي بنت الكويت نتمنى لج التوفيق بس ترى صعبة تقعدين بروحج بين النواب منو بتسولفين وياه اتوقع بتكلمين مع نفسج والعالم عيونها كلها عليج، محمد هايف الله يهداه ازم الديرة على جبرة مساجد واهو ما يعرف شي بالسياسة.، الصقر نقوله خيرها بغيرها وما انسحب الا اكو شي والا اهو ميت على رئاسة المجلس وماي دري ان كرسي الرئاسة مال حلاق.
رسالة الى أهل الدائرة الثالثة؟
- يا جماعة لا يغركم الصراخ والحجي الزايد والبوفيهات، ولا تعطون صوتكم الا وانتوا مقتنعين فيه لأنها أمانة برقبتكم وصوتكم اهو اللي يحدد مصيركم ومصير الكويت.
المصدر
جريدة الوطن
http://www.alwatan.com.kw/Default.aspx?tabid=225&article_id=502275
في ظل الندوات والمناظرات التي كان الصراخ والتهديد لونها والمقابلات الصحفية التي حملت عناوين ومانشيتات اعتاد الشارع الكويتي قراءتها، يظهر المرشح الذي كان شعاره البديل ثم بعد التعديل وأطلق عليه أيضا النائب الواحد والخمسين خارج المجلس مرشح الدائرة الثالثة محمد راشد الحفيتي ليؤكد أن الهزل والسخرية هما المطلب الحالي لانهاء ما في (الديرة) من تأزيم، مبينا أن المرشحين (ما عندهم ما عند جدتي) وبرنامجهم الانتخابي الذي يصرخون فيه في ندواتهم (بايقينه من النواب اللي قبلهم) ومطالبا أهالي الدائرة الثالثة أن لا يغرهم الصراخ والبوفيهات وأن يلتفتوا إلى مصلحة الديرة ويحسنوا اختيار المرشحين لأنه مصيرهم ومصير دولتهم وذلك في هذا اللقاء :
اطمح للفوز
لماذا تشارك في الانتخابات وانت تعلم انك خسران؟
- أنا بالعكس أبي أفوز لكن الحملة الانتخابية يبيلها اعداد كامل من قاعدة مفاتيح انتخابية ومناديب ولجان مختلفة وطاولات وأكل وفلوس فهي تكلف الكثير وأنا ما أقدر على هذه التكاليف، لكن في وقت الانتخابات ربعي والقراب مني يساعدوني والمبلغ اللي أحطه حق حملتي الانتخابية يساوي المبلغ اللي يحطه منافسيني حق عشا يومين انما النجاح ليس من يصل الى الكرسي الأخضر بل النجاح هو أن تأتي لك الناس وتسمع طرحك اللي لا يستطيع غيرك يقول وانا أفتخر بطرحي الجريء.
ارقام ثابتة
أرقامك في الانتخابات دائما متقاربة أوثابتة هل في جماعة ثابتة تصوتلك في الانتخابات؟
- لا مافي جماعة معينة هذي الأصوات اهي الناس اللي قدرتني والمرة الأخيرة كان رقمي 183 ووراي 25 نفر في الترتيب ورقمي زين بالنسبة حق توتال المرشحين، لكن وضعي في الثالثة مثل الحداق اللي ما يدري بصيد سمج ولا لأ لكن أطمح اني اقول الكلام الزين اللي تبي تسمعه الناس.
- صج تبي تتحالف مع حريم؟
- والله كنت أبي اتحالف مع حريم بس حالتهم المادية مو ذاك الزود وأنا كذلك ما عندي فلوس فما سعفنا الحظ للتحالف.
والجويهل مو مفكر تتحالف معاه عنده فلوس الدنيا؟
- الجويهل ما عندي مانع اتحالف وياه لأنه قول وفعل، فالجويهل لما وعد اللي يرشح نفسه للثالثة ياخذ 500 وفى بوعده وعطاني 500 لكن مرشحين الثالثة ولا واحد فيهم قول وفعل كلهم حجي زايد ويسوون السقف قبل العواميد.
لماذا تمزج بين الجد والهزل في ندواتك ولقاءاتك؟ هل هذه نظرية جديدة للفوز؟
والله الكثير من الناس يستخدمون السخرية للوصول ومنهم وزراء ورؤساء دول وصلوا بالهزل احسن من نوابنا اللي صوتهم يلعلع على الطل والسخرية لا بد منها والناس تبي تسمع البرنامج الانتخابي بشكل ثاني.
الحل غير الدستوري
شرايك بالحل غير الدستوري؟
- الديموقراطية والمجلس مع العيوب اللي فيه نحبه وهذا الشيء نفتخر فيه وغيرنا من الدول مو محصلين هالحرية والدول الثانية لو يجتمعون اثنين ثلاثة يقبضون عليهم، بس اخواننا ما وصلوا الى المجلس الا بعقلهم الاستجوابات وتعبوا الناس والحكومة فيجب أن يكون عندهم أولوية في الطرح بعد ما يصير نطبخ ملح وشكر مع بعض بس فالحين بالتأزيم.
شرايك بالنواب اللي يحبون التأزيم والظهور الاعلامي؟
- مو زين وحرام عليهم يسوون بالدولة هالشكل وانتوا عيال الدولة وتمثلونا داخل المجلس ووخروا عن الشوشرة والبلاوي فالمجلس لازم تستغلونه لاخراج قوانين اصلاحية فالمجلس مطبخ القوانين لكن اللي قاعد يسوونه عيب عيب عيب ثلاث مرات.
مخرجات الفرعيات
شرايك بمخرجات الفرعيات؟
- والله الفرعيات مو غريبة علينا فمن زمان كانوا يسوون فرعيات لكن الحين طلع قانون يمنع الفرعيات من مجلس الأمة اللي وافقوا عليه النواب لكن شلون الحين يطالبون بالغاء القانون وزين يسوون فيهم الشرطة لانهم مخالفون للقانون.
هناك نواب اسلاميون خالفوا القوانين التي تجرم الفرعيات من خلال دخول الفرعية؟ تعليقك؟
- هذيل اللي يدعون انهم اسلاميون ويخالفون قوانين الدولة هذيل منافقون وغير دخولهم الفرعيات قاعد يحجزون اراض حق مقراتهم بدون ترخيص فمو غريبة عليهم مخالفة القوانين واللي يخالف القوانين ويقول انه اسلامي فهذا منافق ونص.
أحب الخرافي
اذا كنت عضواً في مجلس الأمة السابق تصوت لمن حق الرئاسة؟
- أنا غير الخرافي ما أصوت لأني أحبه وأعده رجل داخل المجلس أمام الصراخ فأنا أسميه المطافي الرئيسي داخل مجلس الأمة للحكومة والشعب.
منو تتمنى يفوز غيرك في الدائرة؟
- والله في مرشحين يستاهلون لكن في وايد منهم مسكوا لجان ونواب مجلس ورئيس مجلس في المجلس كثر خيركم ومشكورين لكن يقعدون في بيتهم أحسن بلا صراخ، والشرهه على اللي وصلهم قبل كانوا حفاي منتفين والحين كل واحد من عياله عنده سيارة تسوى خمسين ألف وصاعد غير الشركات والبوقات.
في مقابلة سابقة كنت تبي (فيلجا) تكون مركز للوناسة والرقص والشرب، هل ما زلت مع مطالباتك؟
- لا يا معود وخرنا عن هالسؤال يدمرنا، ما نبي الا الخير حق الكويت خلونا على الحدايق وطلعات الأسر مع بعض وبلا بلاوي وسوالف بطالية.
هل أنت مع تواجد الجنوس في الكويت؟
- الجنوس موجودون في الكرة الأرضية كلها، لكن أنا مو مع الجنوس واذا خليناهم بالكويت بروحون فيها عيالنا، فوين حدس ما حدس عن هالسوالف بس فالحين بالصراخ خل يشوفون حل مع الجنوس.
بس يا بحر
(البديل) و(البديل بعد التعديل) شعاراتك السابقة، شنو شعارك هذي السنة؟
- شعاري الانتخابي هالسنة (بس يا بحر)، واقصد في البحر خير الكويت اللي خذوه النواب، وافتخر دائما اني العضو واحد وخمسين خارج المجلس.
شنو مطالباتك اذا دخلت المجلس؟
- والله اطالب النواب بأن يتخلوا عن رواتبهم اللي تساوي نص مليون دينار خلال اربع سنين ويبنون مستشفى اسمه (مستشفى من حساب أعضاء مجلس الأمة) ولا يعالج فيه الا الكويتيين.
يقول المثل (رب ضارة نافعة)، هل في ضارة ممكن تفيدك لتدخل المجلس؟
- لا ما اعتقد فاخوانا بالدائرة الثالثة وخاصة اللي متجمعين في كيفان منفتحين في اللبن ما يخلون لك (قظ ابرة).
اذا كنت رئيس مجلس الأمة شلون تسكت النواب اذا صارخوا؟
- اطق المطرقة لكن راح تنكسر لأني حاجم، أطق بيدي وأطبلهم يمكن يمزجون واذا ما سكتوا احطلهم موسيقى (جاز) اخليهم يلهون ويستانسون.
بس الاسلاميين بيعترضون على سماع الأغاني؟
- ولا يزعلون أحطلهم أناشيد العفاسي واخليهم شوي يعيشون الدور وإذا ما وقفوا صراخهم اطفي الكهربا عليهم وأرفع الجلسة.
نصائح
نصايح للنواب السابقين والمرشحين الحاليين؟
- الله يوفقهم كلهم لكن في أسماء أبي اعلق عليها، الشايجي أقوله ترى الثوب الطويل يعت وقصر لسانك مو زين اذا طال لسانك تراك وليد صغير ونحبك، ومرزق الغانم اقوله خلك بتجارتك ومصلحتك لا تقط بهالفلوس شوفلك العوايل المحتاجة والمرضى و تراك توك شباب وانطر يومين يمكن تصير رئيس، اسيل العوضي انتي بنت الكويت نتمنى لج التوفيق بس ترى صعبة تقعدين بروحج بين النواب منو بتسولفين وياه اتوقع بتكلمين مع نفسج والعالم عيونها كلها عليج، محمد هايف الله يهداه ازم الديرة على جبرة مساجد واهو ما يعرف شي بالسياسة.، الصقر نقوله خيرها بغيرها وما انسحب الا اكو شي والا اهو ميت على رئاسة المجلس وماي دري ان كرسي الرئاسة مال حلاق.
رسالة الى أهل الدائرة الثالثة؟
- يا جماعة لا يغركم الصراخ والحجي الزايد والبوفيهات، ولا تعطون صوتكم الا وانتوا مقتنعين فيه لأنها أمانة برقبتكم وصوتكم اهو اللي يحدد مصيركم ومصير الكويت.
المصدر
جريدة الوطن
http://www.alwatan.com.kw/Default.aspx?tabid=225&article_id=502275