خل الهجر ـ للشاعر /ابراهيم عليان الرقاص

[شلاش الرقاص]

يازين خل الهجر هجرك ماهو زين
واترك طريق الهجر زينه وشينه
الهجر ما يصلح لنا يا أريش العين
خله لناس (ن)حبهم ظالمينه
وألا انت حبك له عهود وقوانين
حب (ن) على وضح النقا تعرفينه
وش غيرك وأحنا على الوقت صافين
قلبك قسى بأول خطأ خابرينه
نسيتى الميثاق بين المحبين
ونسيتى ان الحب متقاسمينه
ونسيتى انا وردة من رياحين
لا تقطفين الورد لا تقطفينه
هذا خطأ ماهو صحيح الخطا شين
الحب مايرضى محب (ن) يهينه
الحب له وقفات وأسلوب تدرين
والحب ماواحد يشك بيقينه
مايدخل ألا قلوب ناس(ن)صدوقين
وقلبى وقلبك بالهوى شابكينه
لين أشتبك قلبى لحاله على الدين
بضلوع حب (ن) ماتغير سنينه
ومعك المحبه غامقه بالشراين
و وريد قلبي معك لا تقطعينه
خوفى من الله وأنقذى قتل روحين
وروحى وروحك ليه ما تنقذينه
تفوقى بأنقاذنا لا تراوين
وخوذى شهاده من حبيبك مكينه
وعودى لذاكرة المحبه بسطرين
وألا أذكري ساعة زمانن ثمينه
وألا أذكرى ساعة لقانا بعد حين
في لهفتة مثل الحنون لجنينه
وأليا ذكرتي ما مضالك تعودين
فيك الخجل والعذر ماتعرفينه

[عبس]

هذا خطأ ماهو صحيح الخطا شين
الحب مايرضى محب (ن) يهينه
الحب له وقفات وأسلوب تدرين
والحب ماواحد يشك بيقينه

قصيده جميله لشاعر جميل و مبدع

صح السان شاعرها وناقلها

بارك الله فيك اخوي شلاش على القصيده

والى الامام

[سلمان الطشه]

بارك الله فيك اخوي شلال الرقاص

على القصيدة والى الامام