المساعد الشخصي الرقمي

مشاهدة النسخة كاملة : كادر المعلمين تم اقراره بشارة للمدرسين وعطونا البشاره

ابوصالح
06-15-2011, 11:53 AM
السلام عليكم ورحمة الله بركاته

مجلس الامة الكويتي يقر بمداولته الاولى كادر المعلمين بموافقة 47 صوت ورفض 11 وزير

الساعه 10:45 صباحا التاريخ 15-6-2011

مصدر الخبر حزب الزحازيح بقيادة ابوصالح

مبروك للمعلمين واجازة سعيدة وعسى الله يرزقنا من فضله
غسق؟
06-15-2011, 02:00 PM
الله يبشررررررك بالخيير هذاا احلااا خبررررر
ابوصالح
06-15-2011, 02:16 PM
الله يبشررررررك بالخيير هذاا احلااا خبررررر

يالله ان شاء الله تصيرين مدرسة قد الدنيا

وابشرج بعد تم اقرار زيادة مكافأة الطلبه

يالله متى تجيبين تذاكر سوريا .... ترى نبي تذاكر درجة اولى لو سمحتي
غسق؟
06-15-2011, 02:53 PM
هياااااااااااااااا


هههههههههههه تبشششرررر تووصللل لبييييتك التذاااكررر ولوو تبي للعاائله كلهااا بعدددد
فهد الدقباسي
06-15-2011, 03:41 PM
غسق لايكون نسيتيني خخخخخخ
والحمدالله فرحوا مدرسينه بس زعلو اهل الشغل كله السكراتريه والوكيل حرام ماعطوهم بصراحه مدرسين الكويت اكثر المدرسين معاش
والاداره كلش معاشهم مازاد وله نقص من 20 سنه مشكور يابوصالح ع الخبريه ومبروك ردت الحزب بقوه خخخخ وفيه وحده تهدد الحزب
اسمها ساره خخخ تم التحقيق معاها وطلعت جاسوسه خخخخ

وغسق التذاكر رايح راد مو تعطينه رايح ونقعد هناك نقابل ام سامر خخخخ
ابوصالح
06-23-2011, 01:56 AM
غسق لايكون نسيتيني خخخخخخ
والحمدالله فرحوا مدرسينه بس زعلو اهل الشغل كله السكراتريه والوكيل حرام ماعطوهم بصراحه مدرسين الكويت اكثر المدرسين معاش
والاداره كلش معاشهم مازاد وله نقص من 20 سنه مشكور يابوصالح ع الخبريه ومبروك ردت الحزب بقوه خخخخ وفيه وحده تهدد الحزب
اسمها ساره خخخ تم التحقيق معاها وطلعت جاسوسه خخخخ

وغسق التذاكر رايح راد مو تعطينه رايح ونقعد هناك نقابل ام سامر خخخخ

ههههه عزة الله ام سامر حبيبه وطيبه بنت الحلال

ياكثر ماتغلط بالحساب واصلح لها وتثق فيني بالحيل

تصدق يافهد اهناك عجيبين يحسبوني سيد على حسب اعتقادهم ويحترموني بشده تدري ليش ؟

اجي عند ام سامر مافي المحل احد ابدا .... تدري شتقول لي تقول جت البركه معاك يابوصالح .

اقعد دقيقه بس والا المحل ينترس فول هههههه

انتشرت هذه الشائعه بالسوق فوق ..

تصدق انهم دايم يعزموني ويحطون لي كرسي ويبوعوني نفس سعر السوري العادي هههههه ... ويعلم الله انني من ادش اي محل تلقاه ينترس ههههه

هذا الاعتقاد عندهم وسؤولوني يابوصالح انت من سلاله الرسول ههههههه

لاحول ولا قوة الا بالله العلي العظيم

اعتقادات ماندري عنها ... ودي اقول شيء بس مااقدر اخاف يفسرونه الناس غلط

البعض منهم يقول يابوصالح زورنا بالبيت علشان بناتنا تنخطب ..... ام صالح تقول لا لا لاتروح يابوصالح اخاف يسحرونك وياخذونك مني ههههههه

اما بخصوص سارة فديروا بالكم عليها تراهي تابع لحزب الزحازيح

هذي اذا كانت هي الشاعره تراهي بنت الغالي عندي والعزيز علي

الله يرحم جدتي سارة اللي سموها عليها
سوبرمان
06-24-2011, 12:06 PM
زيادة للخبر

يقولون وعلى ذمة الراويه

يقول الفيلي وهو شخص خبير دستوري يقول :

أكد الخبير الدستوري الدكتور محمد الفيلي لـ «الراي» أن كادر المعلمين الذي أقره مجلس الأمة في مداولته الثانية «نافذ وساري المفعول في حال عدم رد الحكومة للقانون قبل انتهاء الفترة المحددة من قبل المجلس وهي 7 أيام عمل»، مضيفا: «ان التصديق الحكمي نافذ في حال حصول الاقتراح على الأغلبية النيابية التي يتألف منها المجلس، وهذا ما حصل».
وقال الفيلي: «ان الأصل هو ان يدخل القانون حيز التنفيذ خلال 30 يوما، ويمكن للمجلس ان يحدده في صفة الاستعجال»، لافتا الى ان «القانون ساري المفعول ولو لم يتم نشره في الجريدة الرسمية التي تضيف له حيز التنفيذ مع النشر»، مشدداً على «ان نفاذه سار حتى قبل النشر».


المصدر : http://www.alraimedia.com/Alrai/Article.aspx?id=283501&date=24062011