شوزن ( Beneli ) .. معلومات مع الصور للي يبي يستفيد ..

[مخاوي الذيب]

بسم الله الرحمن الرحيم

السلام عليكم ورحمة الله وبركاته ..

حبـايـبـي عندي معلومات عن ( شوزنين صيد ) الشهيره بالخليج والاكثر استخداما عندنا يالخليجين ..

وهما من تصنيف ( Beneli ) طبعا اكيد قارين هالكلمه على كل ( جيب شروكي ) ربعنا ماشاءالله مطنوخين الصراحه 14 سنه شروكي شاريه اب 450 دينار وحاطلي ( Beneli ) اقص ايدي اذا عنده ( ام ربع ) هههههه ..

المهم ما علينا من الطماشه .. ;Pp

اترككم مع الصور ومعلوماتها .. طبعا مو بس هذيلا اللي صنعتهم شركة ( Beneli ) لها اذا ما خاب ظني اكثر من 10 انواع منها فاخره ويصل بعض البنادق سعرها الى اكثر من 3000 دينار بس طبعا هذي حق اللي الزخرفه من ( ذهب ) ..

سأبدأ على حسب تصنيف الافضليه ( وليس الافضل ) ..http://www.3bstv.com/vb/imgcache2/40496.gif (http://www.3bstv.com/vb/imgcache2/40496.gif)
http://www.3bstv.com/vb/imgcache2/40497.gif (http://www.3bstv.com/vb/imgcache2/40497.gif)
http://www.3bstv.com/vb/imgcache2/40498.gif (http://www.3bstv.com/vb/imgcache2/40498.gif)
* اسم الشوزن (Beneli Super sport COMFORTECH) ركزو عالكلمه اللي مكبره معناتها الراحه التكنولوجيا لأن هناك نوعين منها وراح تشوفون النوع الثاني تحت ..
مميزاتها :
شوزن قويه للصيد وتصنيفها يا 3 او ال 4 بين بنادق بينلي .. ( اذا ما خاب ظني )
شوزن تتحمل اكثر انواع ( الـفشق ) من ال 24 غرام إلا 50 غرام تقريبا ..
ومن اصنافها : ( صنفين ) ..الاول :
قياس 12 - 2-3/4 (2 وربع ) و منها قياس 12 - 3 ( ثلاثه فقط ) ..

قياس 12 - 2 وربع مواصفاتها ـ :
طول البايب ( السبطانه بالكويتي ) : 28
مقبض الشوزن ( مسكت الايد تحت السبطانه ) : كاربون فايـبر ( خفيف ما يوصل حراره )
الطول الكلي : 49.6
متوسط وزنها : 7.2 lbs

قياس 12 - 3 مواصفاتها :
طول البايب : 30
مقبض الشوزن : ايضا كاربون فايـبر
الطول الكلي 51.6
متوسط الوزن : 7.3 lbs

الصنف الثاني :
قياس 20 - 2-3/4 ( 2 وربع ) - و قياس 3 ( ثلاثه فقط ) ..
طول البايب : 28
مقبض الشوزن : كاربون فايـبر
الطول الكلي : 49.6
متوسط الوزن : 6.3 lbs

هنا نرى فقط اختلاف واحد بين الصنف الاول والصنف الثاني ( متوسط الوزن ) .



لنذهب ألى الاقل كفاءه من الاولى ..
هنا النوع الثاني وهو ( beneli super sport SPORT II )
نفس المميزات تقريبا ولكن الاختلاف بالمواصفات الخارجيه ..

من اصنافها : ( صنـفـين ) : قياس 12 - 2-3/4 ( 2 وربع ) و قياس 12 - 3 ( ثلاثه فقط ) ..
الصنف الاول مواصفته :
قياس 12 - 2 - 3/4
طول البايب : 28
مقبض الشوزن : خشب ( اقل كفاءه من الكاربون فايـبر تتقـشر مع الوقت )
الوزن الكلي : 49.5
متوسط الوزن : 7.2 lbs

قياس 12 - 3 ..
طول البايب : 30
مقبض الشوزن : خشب
الوزن الكلي : 51.6
متوسط الوزن : 7.3 lbs

الصنف الثاني قياس 20 - 2 وربع و 3 ..
طول البايب : 28
مقبض الشوزن : خشب
الوزن الكلي : 49.5
متوسط الوزن : 6.3 lbs

ننــتــقل للأخــــــــــرى ..

http://www.3bstv.com/vb/imgcache2/40499.gif (http://www.3bstv.com/vb/imgcache2/40499.gif)
http://www.3bstv.com/vb/imgcache2/40500.gif (http://www.3bstv.com/vb/imgcache2/40500.gif)
http://www.3bstv.com/vb/imgcache2/40501.gif (http://www.3bstv.com/vb/imgcache2/40501.gif)

* ننــتقل إلى النوع الثاني من ( شوزن بينلي ) ألا و هو ( Beneli super Black Eagle )

شوزن قويه للصيد وهذي ال ( black Eagle ) تقريبا اكثر استعمال من ال ( Super SPORT )
صراحة انا من الناس اللي استعملتها شوزن ماشاءالله لا يعلى عليها وطبعا اكيد اكثركم استعملها لأنه الاكثر شهره وسعرها يتراوح بين 400 – 600 دينار لأني مو مثبت جم بس بين هالسعرين ..

مميزاتها :
تتحمل اكثر انواع ( الفشق ) من 24 وانت صاعد ..
لها تقريبا اكثر من صنف ..
من اصنافها :
قياس 12 – 2- 4/3 ومنها 3 فقط ومنها 3- 1/2 ...
ولها اكثر من نوع بختصر لكم اياهم ..
منها : طبعا هذي اللي مسكتها ( اصطناعي ) يعني من اختيارهم اهم مو شرط مواصفات اعلى طبعا على حسب طول البايب اللي تختاره تحته الوزن اختصرته ..
طول البايب : 28 – 26 – 24
الطول الكلي : 49.6 – 47.6 – 45.6
متوسط الوزن : 7.3 – 7.2 – 7.1 lbs
مقبض الشوزن : اصطناعي

ومنها : المقبض اسمه ( ماكس-4 ) نفس المميزات ولكن الاختلاف فالمقبض والطول ونفس الكفاءه ..
هنا : ماكس -4
طول البايب : 28 – 26
الطول الكلي : 49.6 – 47.6
متوسط الوزن : 7.3 – 7.2 lbs
مقبض الشوزن : ماكس – 4



هنا : APG ( اعتقد اختصار لكلمه ماعرفت معناها الصراحة ) ..
طول البايب : 26 – 24
الطول الكلي : 47.6 – 45.6
متوسط الوزن : 7.2 – 7.1 lbs
مقبض الشوزن : APG

هنا : walnut ( خشب الجوز )
طول البايب : 28 – 26
الطول الكلي : 49.6 – 47.6
متوسط الوزن : 7.3 – 7.2
مقبض الشوزن : خشب الجوز

هنا : ( Super black Eagle COMFORTECH ) طبعا الاعلى كفاءه والدقيقه جدا بين جميع انواع ال ( Black Eagle ) ..

طول البايب : 24 ( لها استدار التنظيم الاداري لخزان ( الفشق ) )
الطول الكلي : 45
متوسط الوزن : 7.1 lbs
مقبض الشوزن : Comfortech ( راحة تكنولوجيا )


نختم هذا الموضوع بملاحظة الفرق بين ( الشوزنين ) طبعا الاولى اقوى واحسن واكثر كفاءه نلاحظ حتى بالصورة متعوب عليها شوي ..

يومـــين وانا أكتـــب فيــه .. انشالله فهمتوه بعد ..

ارجـــــــــــــو من داخـــــل اعمـــآآقي ان يكــــــون الموضوع قد نال على اعجـآآبكم واستفـــدتوا منــــه ..


اخـــــــــوكم : مخاوي الذيب

[فهد الدقباسي]

مخاوي الذيب الاولى انا مجربه وفيها عيب كبير وهو انه ماتسحمل الرطوبه لاكن عليها خفه مو طبيعيه وسعره 800 دينار
وطول السبطانه 28
وعندك خطأ كبير بسوبر ايقل سوبر ايقل يجي طول السبطانه 32 والسعر 450 عند الصياد
والفشق من 28-64 وليس من 24 وانت صاعد والثانيه من سوبر ايقل تجي 28 السبطانه وهذا مو اكيد وتشيل من 24-54
واعذرني لاخبط الموضوع كله


والله يعطيك الف عافيه وانا افضل سوبر بلاك ايقل لانه تستحمل الاجواء لاكن بالرمي لايعلى على الاولى
والله لايحرمنا منك ومن جديدك

[مخاوي الذيب]

حياااك الله عالدقباسي مشكور عالافاده

لكن انا حاط اكثر من صنـف مو بس صنف واحد

يسعدني مرورك حبيب