المساعد الشخصي الرقمي

مشاهدة النسخة كاملة : زعل بين الأصحاب

محمدالنجار
05-23-2009, 06:45 AM
نزعل ونتكبر وحنا من الطين
والكل منايصد لااقبل خويه
نفخر نقول انا على الصد قاوين
وهي علينا فالحقيقه قوية
ننسى نهايتنا وعلى وين ماشين
وننسى الزمان اللي جمعنا سويه
المشكلة ماهي بحاجه لتخمين
ولاهي ياناس صعبه القضية
دق الرقم كيفك00هلافيك00واهلين
اناالخوي اللي مزعل خويه
تغيب وصورتك داخل العين
ويبقى لحبك في خفوقي بقيه
اخواااااان حنا لويجي بيننا شين
ومانفترق دام المحبة نديه
خلك قوي لاتحتكرك الشياطين
قبل الفوات وقبل وقت المنيه
هاذي هي الدنيا من الحين للحين
لابد بين الناس تحصل خطيه
ومن لايقدر غلطة احبابه الحين
يقرا حروفي ويعتبرها هديه
باااكر تمر سنين وسنين وسنين
والكل يرحل فالدرووووووب المديه
صدقني تندم واذكر حروفنا زين
تندم على خلك اذاغاب ضيه
دنيا غريبه واكثر الناس ماشين
وكم صاحب والله دفنته بيديه
بنت الملوك404
05-23-2009, 07:18 AM
باااكر تمر سنين وسنين وسنين
والكل يرحل فالدرووووووب المديه
صدقني تندم واذكر حروفنا زين
تندم على خلك اذاغاب ضيه
دنيا غريبه واكثر الناس ماشين
وكم صاحب والله دفنته بيديه


ياااااو يمة قصيدة قمة في الأبداع
صح لسانك تحياتي

اعذر رفيقك لاحصل منة تقصير
واعرف ترى مابالمخاليق كامل
محمدالنجار
05-24-2009, 03:24 PM
الله الله على البيت الجميل اللي من ذوقج
ومشكوره اختي :بنت الملوك
على مرورج
سلمان الطشه
05-29-2009, 06:38 PM
يعطيك العافية على القصيدة الرائعــة
بارك الله فيك

اخــوووك ::: سلمان الطشه
محمدالنجار
05-29-2009, 10:28 PM
مشكور أخوي :سلمان الطشه على مرورك
وبارك الله فيك