سم البدن(آتعزوى في حسن)

[بدر بن صقر العجالين]

http://www.3bstv.com/vb/imgcache2/14110.gif
بسم الله الرحمن الرحيم

السلام عليكم ورحمة الله وبركاته

كما عودتكم على موافاتكم بكل ماهو جديد يسعدني أن أقدم بين أيديكم هذا النص المتواضع واتمنى ان ينال اعجابكم ورضاكم أيها الأحـبـه:)

للإستماع(إلقاء)
×
×
http://www.youtube.com/watch?v=YsC0GrPRufE


أقـــول :

يازين لا تغتر فالأموال ذا طبع(ن) مشين=إلزم احدودك وبعض الهرج به سم البدن
لا تحسب العالم على كيفك وكل(ن) لك رهين=لا يغرك جنب ربعك كان اهو توه سمن
خابرين العلم مبطي كان واضح او دفين=مير خل البل تسرح مانبي نضرب هرن!
تغيرت الأوقات وأهل الفعل راحوا من سنين=منهم منفي وكم واحد توفى واندفن
يابنت هذا الوقت صار الرخص هو حق الثمين=والرخم ياللأسف ذا الوقت غالين الثمن
اليمين يسار امسى واليسار امسى يمين=بوصلة الأيام دجت والسبب أهل الفتن
كان شفت الوضع مزري او ظهر شكلي حزين=الله يجازي ياحسين الدل نكبات الزمن
الزمن شيّب في راسي يوم انا توي جنين=وأشتد عودي من كثر ضربات وقتي والمحن
من سبب ذا الوقت شفني شاعر(ن) دمعه كنين=يصهر الآهات وسط القاف وأنغام الشجن
أظفر بشعري وأدور دايم الطرق السمين=وأخاشر الشعار في يمناي من نفس الصحن
ماني اللي فالمواقف دوم مكتوف اليدين=لو تموت الناس من حوله تجمد كالوثن
أحمدالله دايما حيث ان يندى لي جبين=يفور دمي فالمواقف وآتعزوى في حـسـن(1)
بن حـسـن كنه لواء رتبه على كتفه تبين=لازم تحييه لازم وانتبه كان انغبن
لا زهمته مايهمه أبشـر بجنب(ن) متين=مايهمه كان ابن لادن على بيته زبـن
ترثةٍ للعود جدي كاسب المجد المبين=زايـد الملطوم كن طاريه لي مثل الشحن
سد مـآرب ديرته بالضبط أنا بعطيك وين؟=شمال شرقي انتبه لاجيت ظاهر من عدن
يجلب اسمه للدواسر كلها مثل الحنين=تعتزي فيه الدواسر كلها كنه الوطـن..!
بعد ذا يابنت أنا ماني على ماتشتهين=انتهينا ردديها وأنشدي أحزن لحن
انتهى طاري السعاده وانتهى حلم السنين=والفرح يابنت كيكه ولعت وسط الفرن.!
أذكري حاولت أزين مير عيت لا تزين=المحبه كنها الحوثي وانا صرت اليمن..!
فوق شين الوصل والحقران صرتي تنفخين=بالدراهم والمكانه والوجاهه والوزن
الله أكبر عاد لو (بيل غيتس)2 للوالد يدين..؟=عاد لو انكم هل النرويج(3) والباقي طمن..!

(انتهينا) أفضل التعبير روحي لا تجين=قالها قلبي على التلفاز وأظهر للعلن..


1- حسن : جد قبيلة آل حسن(الفرجان-الشكره-آل عمار)..

2-بيل غيتس : أغنى رجل فالعالم صاحب شركة مايكروسوفت..
3-النرويج : أفضل بلد من حيث مستوى المعيشة والرفاهية في العالم..




سلامة الجميع..



تقبلوا تحياتي،،

[نايف العجوني]

صح لسانك يشاعرنا بدر بن صقر العجالين

قصيده جزله ولا هي مستغربه عليك الجزاله

ننتظر جديدك المميز دايما ً

تقبل مروري وخالص تحياتي

اخوك نايف العجوني

[لا اله الا الله]

شاعر قطر

يامرحباً الف

حييت وحيت الجزاله يا هلا وغلا يا بو زايد

نورت المنتديات عقب غيبتك ومن طول الغيبه يبجيب الغنايم

وعز الله جبت الغنايم بالنص الرائع صح الله السانك وعتلا شانك

وونعم مليار في حسن وذويه وفي الدواسر جميعاً دون استثناء

وبيض الله وجهك يا شاعرنا وعلى القوه وننتظر جديدك وبوح قلمك العذب

تم الختم والتثبيت تقديراً لك ولنصك الرائع يالفوهرر ..

تحياتي وتقديري.

[بدر بن صقر العجالين]

صح لسانك يشاعرنا بدر بن صقر العجالين

قصيده جزله ولا هي مستغربه عليك الجزاله

ننتظر جديدك المميز دايما ً

تقبل مروري وخالص تحياتي

اخوك نايف العجوني

صح الله بدنك يالعجوني تسلم نفداك وابشر بكل جديد:)

مشكور ولاهنت على المرور الكريم..

تقبل تحياتي،،

[عبدالوهاب الزبني]

مشكوووووووووور يالغلا على القصيدة الجميلة

[بدر بن صقر العجالين]

شاعر قطر

يامرحباً الف

حييت وحيت الجزاله يا هلا وغلا يا بو زايد

نورت المنتديات عقب غيبتك ومن طول الغيبه يبجيب الغنايم

وعز الله جبت الغنايم بالنص الرائع صح الله السانك وعتلا شانك

وونعم مليار في حسن وذويه وفي الدواسر جميعاً دون استثناء

وبيض الله وجهك يا شاعرنا وعلى القوه وننتظر جديدك وبوح قلمك العذب

تم الختم والتثبيت تقديراً لك ولنصك الرائع يالفوهرر ..

تحياتي وتقديري.


شاعر بني عبس:)

ابقاك الله ومن قال يحيا ياذيب

المحل منور فيك وبأهله يا أبومحمد

صح الله بدنك وماعليك زوود يالشختلي وافي طال عمرك ووجهك أبيض

ابشر بكل جديد يسرك ويسر الاخوان..

تسلم على التثبيت والختم عادتك تقدير الجزاله يالقرم:)

مشكور ولاهنت على المرور الكريم..

تقبل تحياتي،،

[البيطار]

المحبه كنها الحوثي وانا وصرت اليمن

الله الله الله

صح لسانك يابدر وعتلا شانك

القصيده رائعه جدا وجزله

والنعم في الـ حسن وفي الدواسر

,,,, البيطار