ليش ما ننسى الحزن !!

[دهن عود]

السلام عليكم ورحمة الله وبركاته


حياتنا فيها لحظات كثيرة غسلتها الدموع ،، مرات دموع فرح ،، ومرات دموع حزن ،،

ولكل دمعه طعم خاص وتأثير خاص بنفسيتنا


لكن اللي الاحظه ،، ومن تجربه شخصية ان دموع الفرح تاخذ لها مدى زمني معين وننساها ولايكون لها ذاك الاثر الكبير على حياتنا ولايكون لها ذاك الحيز الواسع من ذكرياتنا



اما دموع الحزن فتظل راسخه بخيالنا ولها نصيب الاسد من ذكرياتنا ،، وللاسف مع كل مرة نتذكر فيها هالموقف نلاقي دموعنا تلقائيا تنزل !!


ليش صعب اننا ننسى الحزن ومرات مستحيل !!

[هبوب الجنوب]

يمال العافيه على الموضوع يالغاليه ..

الحزن له تأثير على النفس وعلى القلب وله وجع وانكسار فيااخذ من صحتنا وراحة بالنا ..

فيكون له ذكرى لاتنسى ..

[عذبة الروح]

لأن الحزن يكسر القلب ويجرحه وصعب ينسى الواحد

الله يبعد الحزن ياااااااااااارب ويجعل أيامنا وأيمكم كلها فرح

مشكورة ع الموضوع وتقبلي مروري

[بنت الملوك404]

يسلمووووووووووو على الموضوع

مبدعه دايم بطرحج ومواضيعج

بارك الله فيج وعساج على القوة

تحياتي لج

[دهن عود]

دايما يقولون اضحك تضحك لك الدنيا

وبصراحه مهما ابتسمت الاقي الحزن مب راضي يبتعد !!


الله يفرح قلوبكم جميعا ويغسلها من كل الاحزان ان شاءالله

[هبوب الجنوب]

الحقيقه يالغاليه ...


كل بشر منا مر في هالتجربه وكانت صعبه حيل واللي مر في هالتجربه يحس فيك..

بس تبين العلاج الشافي والله صارت معي عليك بالقرآن والدعاء اثناء السجون ان الله يشفي قلبك ويلهمك النسيان ..

والدعاء هذا قوليه دآيم...

:" لاإله إلا أنت سبحانك إني كنت من الظالمين ؛؛

والله يفرج كل هم وكل ضيق وعسى ربي يلهمنا الصبر ويتوب عليناا

[دهن عود]

هبوب الجنوب

تسلمين يالغاليه على كلامج الطيب واللي يشرح القلب ويريح النفس

والحقيقة لولا الثقة برب العالمين ورحمته كان الحال غير الحال ،، لكن تبقى بعض اللحظات مهما طالت المدة ومهما توقعنا النسيان ،، لازم تمر علينا لحظات تكسرنا ونلاقي دموعنا تتكلم عن الالم اللي بداخلنا


لا إله إلا أنت سبحااااااااانك إني كنت من الظالمين