هل أنت صريح ..؟؟؟

[دهن عود]

السلام عليكم ورحمة الله وبركاته

(( الصراحه راحه ))

جمله يمكن كلنا نرددها ونتغنى بها في كل وقت ،،


لكن لما انيي لوقت التنفيذ نلاقي ان وقتنا اصبح وقت المجاملات والنفاق !!


صرنا نخاف من الصراحه عشان مانخسر فلان ولانجرح علان !!


صرنا نتجنب الصراحه عشان ما انييب لنفسنا صدعة راس نحنا في غنى عنها !!

وصارت التراكمات تزيد وتزيد ليما نوصل لدرجة الانفجار وساعتها نقول ياليتنا كنا صريحين من البداية ولا وصلنا للي وصلناله !!



ومع كل هالاشياء نرجع ونقول ((مافي شي احلى من الصراحه ،، ترا الصراحه راحه ))!!


شورايكم بهالموضوع ؟؟ وهل انتوا من النوع الصريح دايما ؟؟


هل تحبون ان الناس تصارحكم والا تتجنبون هالشي ؟؟


هل ندمتوا على صراحتكم في موقف معين ؟؟


هل ندمتوا على انكم ماكنتوا صريحين في لحظة معينه ؟؟



بانتظار مشاركاتكم الحلوة اكيد

[عذبة الروح]

مشكورة أختي على هالموضوع الحلو

أنا صريحه أحياناً ومرات أكيد الصراحه تزعل ناس منج وتخليهم ياخذون موقف

بس هم لما تسكتين عن شي مو حلوة ... بالذات إذا الصراحه بشي حق وواقعي

لأن الساكت عن الحق شيطان أخرس ...!!

أنا من رايي أشوف إن الصراحه حلوة بكل شي ولا إن الواحد يكون ساكت خايف من ردة فعل أو مو قادر يواجه ...!!

بس هالوقت تعرفين الكل يبي السلامه على قولتهم ما يبون صراحتهم توديهم بمشاكل ..

مشكورة على إتاحتج لنا هالفرصه بالموضوع عشان نبدي راينا فيه ..

وتقبلي مروري

[هبوب الجنوب]

يمال العافيه اختي على الموضوع ..

احيآآ تكون الصراحه صعبه جدآآ حين يكون الشي لا يتفهمك ..

وانا من النوع اللي ما احب احرج اي شخص حتى لو عدوي اذا كانت صراحتي محرجه اكتمها في نفسي ...

لاهنتي وتقبلي مروري

[دهن عود]

عذبة الروح // هبوب الجنوب

الله يعطيكم العافية على رايكم والف شكر لكم على تفاعلكم الحلو مع الموضوع

وبصراحه نقطة الصراحه هذي تحتاج شجاعه كبيرة منا في وقتنا الحالي

[ابيــ الدنيا لعيونــك ــع]

وعليكم السلام ورحمة الله وبركاته

يعطيك العافيه اختي دهن على هالموضوع المتميز

شورايكم بهالموضوع ؟؟ وهل انتوا من النوع الصريح دايما ؟؟

خليط من المجامله والصراحه ,,,فاجد نفسي اجامل في الاشياء التي لا ضر ان نجامل فيها

واكون صريح بالاشياء التي تتوجب الصراحه مثل الحق ,,هنا لا اجامل بالحق احد واجدني صريح لابعد الحدود بالحق وخاصه اذا كان الحق للغير لو زعل من زعل لكن صراحتي لا تصل لحد الوقاحه ابد ,وقد اجامل بالاشياء التي تخصني


هل تحبون ان الناس تصارحكم والا تتجنبون هالشي ؟؟

احبهم واقدرهم حيل خاصة اذا كان صراحتهم لم تصل لحد الوقاحه ,,فالصراحه نوع من الصدق مع الذات ومع الاخرين ,,واحيان من باب الحب يصارحك الاخرين


هل ندمتوا على صراحتكم في موقف معين ؟؟

لا ,,لكن احد المرات حز في نفسي ان احد الاصحاب تضايق من صراحتي لكن لم اندم,,لانه طلب اني افصل في اختلاف بينه وبين احد الاشخاص وكان الحق عليه وكنت صريح حزتها واخذ بخاطره كم يوم وغاب عني لكن رجعته رساله صريحه جدا ,,ورجع يعتذر لي ربي يوفقه ويسعده


هل ندمتوا على انكم ماكنتوا صريحين في لحظة معينه ؟؟
نعم ,,عندما تضايقت واخذت بخاطري من انسان عزيز وغالي ,وسالني بعد يوم هل ضايقني وقلت مجامل له لا ,,وابتسم وقال جامل بحق نفسك وتندم وياكثر مجامل بحق نفسي

سلمتي اختي دهن على هالموضوع الراقي

وتقبلي جل احترامي وتقديري

دمتي بخير

[دهن عود]

أبيع الدنيا لعيونك

حلوة صراحتك في الرد ،، وللاسف فعلا مرات ننجبر نجامل على حساب انفسنا ودايما اعشم نفسي ان الشخص اللي جاملته على حساب نفسي يكون يستاهل هالشي ولايوصلني للندم ابدا !!


الف شكر لك اخوي على توجدك الحلو وردك الكريم

[!!..فلسفة عاشقه..!!]

شورايكم بهالموضوع ؟؟ وهل انتوا من النوع الصريح دايما ؟؟

مو دايما اذا هالشي يجرح طبعا ما اقول المح بس

هل تحبون ان الناس تصارحكم والا تتجنبون هالشي ؟؟

انا اكون صريحه لا شفت الغلط جدامي اما اذا ماكنت اعرفه احد نقلي الخبر انا مالي شغل اروح اسأل واتأكد بعدين اصراح الشخص ما اظلمه

هل ندمتوا على صراحتكم في موقف معين ؟؟

ولا مره ندمت


هل ندمتوا على انكم ماكنتوا صريحين في لحظة معينه ؟؟

اي حيييييل ندمت مره شفت شي غلط وما نبهت للاسف

[حديث الصمت]

[


شورايكم بهالموضوع ؟؟ وهل انتوا من النوع الصريح دايما ؟؟



بنسبه لى الصراحه جميله ومهمه في حياتنا بس تكون بصوره

جميله بدون ما نجرح الشخص اللى امامنا وتكون بين شخصين بعيدين عن الناس

هل تحبون ان الناس تصارحكم والا تتجنبون هالشي ؟؟


هل ندمتوا على صراحتكم في موقف معين ؟؟

ان كان الهدف من المصارحة نتبيهي الى امور كنت غافل عنها فانا معه جملة و تفصيلا .

اما اذا كان الهدف تعريتي اما الناس فهو امر مرفوض تماما

هل ندمتوا على انكم ماكنتوا صريحين في لحظة معينه ؟؟

الندم يكون في الكذب و الخداع و ليس في الصراحه.. و اذا حزن منك شخص لانك صارحته فهو احمق..لانك لو لم تصارحه لبقيت تخدعه و ليس هذا ما يريده الناس...بالتأكيد لم اندم على الصراحه حتى و لو كانت ضدي في يوم من الايام...

[أم متعب]

عن نفسي ماحب المجامله ابد
لاني صريحه حييييييييييل
واشكرج موضوع مهم واتمنى الناس ماتجامل