هلا.. أحمد الدلوم

[أحمد الدلوم]

مساء\صباح الخير أعضاء هذا المنتدى الراقي في طرحه
ومواضيعه واتاحته الفرصه لجميع الشعراء في وضع ابداعهم بين صفحاته..
أضع بين أياديكم أول مشاركه لي بالمنتدى وأتمنى أن تحوز على رضاكم..


هلا يا مرحبا يا فرحة اللي راجع لداره..
هلا يا صوره فبالي وعيا الوقت يمحيها..
هلا من شاعرن وده ينال ارضاك باشعاره..
يحس انه ليا شافك ملك ارضه وما فيها..هلا يا هاجس الشاعر هلا يا صادق افكاره..
هلا يا ريحة اطياب القصايد يا قوافيها..هلا من قلب ما غيرك هدى واستلطف ازهاره..
هلا من عين ما هلت سوى لعيون مغليها..
ليا جيت اكتب المعنى حروفي فيك محتاره..
تشوف الموت في عينك ولا تقدر تباريها..قوام الطول والمبسم وسحر الوجه وانواره..
وضحك السن مع حمر الشفايا ..من يعاديها...؟
غيابك بان في شعري وقربك صان مقداره..
مدام ان القصايد زهرة اوصافك تحليها..هلا من شاعرن خلا جميع الكون واخباره..
قصد شخصك ويكتبلك قصايد من يجاريها..
اشوف البرق في عينك ووبل الغيم وامطاره..
واشوف ان دنيتي دونك تزاحمني بلاويها..
انا ما اقدر على قلبي ليا من باح باسراره..
وانا ما اقوى على "احبك" ليا منك نطقتيها..وانا والليل والفكره وقلبن ما طفا ناره..
كتبنالك قصيده والغلا عيا يغنيها...وانا بطلبك ما دامت ليالي الوقت دواره..
طواري البعد وابياته طلبتك لا تطريها..

[نايف العجوني]

يامرحبا بك اخوي احمد الدلوم وهذي الساعه المباركه اللي سجلت معنا فيها

وتشرفنا بنضمامك لنا

وصح لسان على القصيده الجزله

وننتظر جديدك وابداعك

تقبل مروري وخالص تحياتي

[ابو نادر]

صح لسانك اخي احمد الدلوم
والمنتدى محضوض بانضمامك لــه
فأهلا وسهلا بقدومك الكريم
نرجو لك الفائده ولنا الاستفاده

[أنـفـًآس اُلـفًجـر]

صح لساانك

ما تقصر يمال العافيه

[ورد البنفســـج]

يامرحبا فيك / أحمد الدلوم
نورتنا بوجودك .. وهذي الساعة المباركة

[عبدالله الدفعان]

[حياك معانا وصح الــســـانـــكـ]

[الـبـذال]

صح الله السانك
وحياك الله معانه بين ربعك وخوانك واهلك
تقبل مروري وخالص تحياتي
مــــنصور الـبـذالـ

[فهد الهيفي]

صح اللسانك يابو ناااصر على هالجزله وهذا الي تعودناه منك

وهذي اول مشاركه لي وراح تكون رد لك لأنك من الناس الي تستاهل

[هبوب الجنوب]

صح لسآآنك ولاهنت ..

[البيطار]

حياك الله يالشاعر الجزل
رائع يا احمد استمر وانا من قصيدك هذي عدني من متابعينك
صح لسانك وعتلا شانك وبيض الله وجهك يالدلوم

بس تعال ماتمر جذي انا بنشدك لو سمحت :)

كتبنالك قصيده والغلا عيا يغنيها...

ليش الغلا عيا يغنيها ليش :) :) :)

الله لا يهينك يالجزل

,,,,,,,, البيطار

[الاكــحــل]

جزل يابن دلوم ماشاء الله

صح لسانك وعتلى شانك

والله يعطيك العافيه ولاهنت

على هذه القصيده الرائعه

اخـــوك / الاكــحــل

[بكل صراحه]

هلا يا هاجس الشاعر هلا يا صادق افكاره..

هلا يا ريحة اطياب القصايد يا قوافيها..
هلا من قلب ما غيرك هدى واستلطف ازهاره..

هلا من عين ما هلت سوى لعيون مغليها..

ياسلااااااااااام والله انها قصيده فعلا احساس هالقصيده طاااغي
صح لسانك اخوي أحمد مليون ولا تحرمنا من جديدك

[للصمت عنوان]

يامرحبااافيك
صح السااااااااااانك على القصيد الرائعة
موفق بإذن الله ... لك مني أجمل تحية .