ثامر شبيب

[فلاح الجسار]

راحت من يديني كذا وانـا اناظـر فـي يـدي
لا قادر اوصل دربها ولا قـادر اقـوى بعادهـا
حسيت يوم افراقها كن جسدي ما هو جسدي
مثل الشعوب اللي تحس غربة وهـي ببلادهـا
قولولها محتاجهـا والشـوق حادينـي حـدي
تعبت من كثر السهـر البعـد نفسـي بادهـا
ضاع جهدي فدوة لها لو منهـا ضـاع جهـدي
احط موعد وانتظـر يمكـن تجـي بميعادهـا
هي بس ترجعلي وانا نذرٍ علـي اذبـح فـدي
واني ماعاد انسى ابد تاريـخ عيـد ميلادهـا
ازعلتها وكان السبب تافه مثـل وجـه الـردي
انـي نسيـت اذكـر ابـارك للفـرح بعيادهـا
تطور الموقف وانا ماكنت في الموقـف هـدي
كابرت انا ومثلي بعـد هـي كابـرت بعنادهـا
الحق معها واعترف والحـق مـا والله يغـدي
والغلطة ماتحسب على اللي لا غلـط ماعادهـا
قولولها يشهد علـي الليـل والجـرح النـدي
ساعة عطتني ظهرها والقلـب يصـرخ نادهـا
وان كانها عيت تجي وراحت ورى البعد تعـدي
الله معاها بـس تقـول البعـد وشهـو فادهـا
واذا سكتت او دنقت او طالعة صـوب الجـدي
تـراها ودهـا بالرجـوع وعنادهـا ماقـادهـا
خلوها لي وانا اجـي احـط يدهـا فـي يـدي
وكان العنـاد براسهـا ابـوس راس عنادهـا
ثامر شبيب







ثامر شبيب

[محمدالنجار]

الله يعطيك العافيه على القصيده الجميله
وبارك الله فيك على التواصل الدائم
أخوي:فلاح الجسار
ولك خالص تحياتي
معطر بالمسك والعنبر
وتقبل مروري

[سلمان القفيدي]

الله الله
صح لسان شاعرهاا الله يعطيك العافيه
قصيده في منتهى الروعه
والله لايحرمنا من جديد ابو شبيب
تقبل مروري

[أنـفـًآس اُلـفًجـر]

الله يعطيك العافيه

[خالد القفيدي]

الله الله
قصيده في منتهى الروعه
تسلم يمناج على النقل
الله لايحرمنا من جديدك
تقبلي مروري


{{{{أخــوكــم}}}}

{{{{{خـــألــد الــقــفــيــدي}}}}}

[أحمد الزبني]

صح لسانك يامبدع ياثامر علي هذا الابداع


واشكر كل من يستمع لثامر شبيب الدقباسي لنه بصراحه يستاهل من يستمعله ويحفظله

ولكم من احمد الزبني الاحترام والتقدير