ديوان الشعر http://www.3bstv.com/dewan/ البارحه ياسعود شفت العنودي
مورد الخدين قلبي يتله


قلادية(ن) بقصى سلايل جدودي
عبسية(ن) حازت على الزين كله


سود المحاجر في بياض الخدودي
وجمر الغضا من تحت سيف(ن)يسله


شفت البرد في وسط جمرأ ودودي
لاذاب ثلج ولا طفى الجمر لله


رمش(ن) حنون ورمش آخر حقودي
وراحت حياتي بالرموش المظله


من شافها قلبي يغيب ويعودي
واخاف من يومْ(ن) يخليْْْْ محله


عذلت قلبي والمشاعر تزودي
وبينت له من بعض سيات خله


ادعج غنج وعيونه وساع سودي
طلة قمر في وسط شعرأ يفله


فيها نظام العولمه مايسودي
وفينا نظام العولمه تستغله


لياعرظت قالو سهودً(ن) مهودي
تسقط عروشاًقبلها مستقله


من شفتها تقرب وتبغي حدودي
اعلنت عقد الحرب لكن تحله


من شانها جندت كل الجنودي
وطوقت عرش القلب لاتستحله


جاني واخذ القلب ظبي النفودي
وهديت له مع ساقت القلب فله http://www.3bstv.com/dewan/