ديوان الشعر http://www.3bstv.com/dewan/ الله يخليك لي ... ويطول بعمرك
وما يحرم عيوني من بدرك ولا نوره
كلما تذكرت ماضيي قبل فجرك
أيام ما كانت ايد الفرحه مبتوره
أعرف مدى حظي والحاجه إلى شكرك
مشكوره من قلبي ياام الغالي مشكوره
انتي الصديق اللي سري مسكنه سرك
واختي اللي احتاجها لا احترت بالشورى
وامي اللي ما أستحي أبكي على صدرك
وبنتي اللي ما مثلها في الكون أموره
يا كثر من حبني وما حبني كثرك
حب البشر عادي وانتي حبك اسطوره
الكل يدرك وانا مازلت أستدرك
أحاول استوعبك والنفس مبهوره
ومالوم نفسي حشا يا سيدة عصرك
فارس على قد حاله وحب سنيورا
حلمه يخلونه لو حارس على قصرك
وفي عالمه كانت الأحلام محظوره
والحظ جابك وصار الحاكم بأمرك
والحلم غرد على الأغصان عصفوره
قظيت عمري قبل لا اشوفك ادورك
ما شفتك وصورتك في القلب محفوره
ما كنت انجم ولا اتنبأ وانا انتظرك
لا زرت عرّاف ولا قط شفت بلوره
لكني من فتحت عيني وانا اعتبرك
حلمي اللي لابد ما أرسي على بحوره
لحظة لقا كنت ناطرها على جمرك
و تحققت لي وهذي القصه مشهوره
كم كنت افكر وانا تايه وسط سحرك
وش خانت الماضي فغيابك عن شهوره
وش خانت الورد لو ما استسلم لعطرك
وش خانت الشعر لا قاطعتي سطوره
وش خانته ليل ما يستوطن بشعرك
وش خانته صبح ما استأذنك بحضوره
يكفيك وصف البشر لا جوا على ذكرك
ويكفيك ان العذارى منك مذعوره
كن الحلا طفل من شافك غفا حدرك
ايحسبك امه و لا ينلام بشعوره
ياصورة الزين صعب الشعر يختصرك
خايف على نفسي من تشويه هالصوره
خلك مثل ما انتي أسطوره على عصرك
وخليني فارس وطاح بحب سنيورا http://www.3bstv.com/dewan/