ديوان الشعر http://www.3bstv.com/dewan/ لأن الألم لايميز بين البشر .. ولأن قواميس هذا الزمان لاتحتوي على مفردة كالرحمه .. كانت سعاد

البطاقه: سعاد
عمرها : عمر الزهور
اللي تباهى بعطرها
حسنها: ماله مثيل
كلنا .. نتمنى بعضه
كلنا .. قلنا: ياحظه
اللي تضحك له سعاد
ورمشها صوبه يميل
أما الوظيفه: . . . بنت ليل
شفتها .. وانبهرت
حاولت اكتم دهشتي
وماقدرت
شفت طفله
تعبث الأيام فيها
مالقت من يراعيها
واذهلني صغر سنها
رحت وسألت الليل عنها
وجاني جواب الليل .. آهه
قال: آه لو تدري شوراها
هذي يتيمه
حيل قصتها أليمه
قصه من عمر الزمن
لي وقتنا الحاضر
مالها أول
ولا لها آخر
بنت
يموت ابوها
وامها .. ماتقوى تحمل همها
مسكينه .. هايمه فبحر الضياع
من مات ربنا السفينه
:
:
:
مالقت من للصواب
اللي فخطاها يدلها
صبرها عاش بعذاب
لي ما ملها
وظلت وحيده
تشكي صعوبة الاختيار
بين نار
وبين نار
بين الشرف .. في فقر
وبين الغنى .. في الانحراف
كان القرار
وابتدى يلعب الشيطان دوره
قال: وش لك بالتعب
يالله نقظي الوقت
في متعه .. ولعب
كلام يقنع أي طفله
ماتعرف بغدر الحياه
أقنعها
ثم خذها معاه
ومن يومها
ماعادت الطفله الصغيره
هي نفسها الطفله الصغيره
صارت أقوى
صارت اقسا
فلت مشاعرها الظفيره
وصار أكبر همها
من تقظي الليل .. بسريره
:
:
:
خصرها لامال
تتناثر الأموال
ماتميز .. ذا حرام
وذا حلال
هذي هي قصة سعاد
ولا باقي فيها مايقال
سعاد هي أصدق مثال
للي ظروفه خانته
وقسوة زمانه قسته
مسكينه
هايمه فبحر الضياع
من مات ربان السفينه
:
:
قلت انا
يا ليل
إسألها سؤال
قلها
انتي الحين ورده
وبعطرك الدنيا انملت
جمره دفا من حولها
فعيون ناظرها حلت
لكن..
إذا الورده ذبلت
وصارت الجمره .. رماد
ساعتها .. منهو بيتذكر سعاد؟ http://www.3bstv.com/dewan/