ديوان الشعر http://www.3bstv.com/dewan/ لاتبعدوني يا عرب من هواها
هي غايتي بالحب تكفون تكفون



لو غابت الليله اروح معاها
مالي ابد عيشه بلاها وتدرون



هي علتي صارت وابغى دواها
ولا يداويني من الناس مليون



قلبي غدى عالق بعالي سماها
من زود حبي والغلا صرت في كون



سبحان من سوى وصور حلاها
سبحان ربي يوم كحل ذالعيون



من حبها من زينها من حياها
عشقتها والعشق داين ومديون



في وسط قلبي عالي(ن) مستواها
وبوسط روحي بيتها دوم مضمون



تامر وتنهاني وكلي فداها
لو تطلب عيوني لها ما يوفون



ارخص جميع الناس وأكسب رضاها
ماهمني كل العرب لو يضيقون



واللي عليها لامني يا عساها
تضيق به دنياه ويصير محزون



ودي اعيش اليوم وحدي معاها
ولا تقولولي يالاجواد وشلون http://www.3bstv.com/dewan/