الله أكبر كيف نرضا بالمهونة والفشيله كيف كنا من قديم وكيف دار إبنا الزماني اهتوينا نصرة الظالم ولا نرضا بديله وإحتقرنا نصرة المظلوم في كل المعاني المذله صارت الصرح المشيّد والجزيله والمعزه مالها عند العرب قيمه وشاني واللي محيّر فؤادي وأجبر النفس العليله ما رأيته من حثالة مجتمع رخم وجباني الدسايس والنمايم والبلاسه والرذيله شفتها في مجتمعنا شوف بإقرار العياني إنتكسنا ليه ؟ مدري وإعتبرناها وسيله من عقب ما كنا نرقا دون طيات الطماني البلاوي ابتلتنا من فعايلنا الرزيله وسارت سنين الليالي من هواني لي هواني والسبب لجل التقرب من هدفنا نلتويله نحني الراس ونخضع هامته بأسف مكاني ومن يقول أنا الأمين ويحسب الحق بيجيله فالزمان اللي مسلط ذلته للمودماني مانقول إلا عباره ياحليله ..ياحليله ياحليل اللي فتح قلبه على الطيب ودعاني لوفهم مجرى الزمان وكيف يجري في مسيله كان ما بيّح كنين القلب بأطراف اللساني أبك هذا الوقت فيه الطيب ما أحدن يلتجيله ولا يعيش ألا شبيه البوم والكدش الهداني ومن فهم قصدي عسا ربي يقدر له حصيله ويرزقه من حيث لا يدري مع دروب الأماني والكلام اللي بديته عكس ما قلته بديله عند ناسن للمعالي شامخه من دون داني يابو مصعب فالكلام أحكام وأوزانن ثقيله تشرح الخافي ولا يخفا عليك اللي حداني للكلام اللي بديته شي ما يبرد غليله إستثار وشب عوده وأشعله وسط المحاني وأنت رجلن بعد ربي بالصعايب نشتكيله حيث صيتك مع جميع الناس قاصيهم وداني دين ..وأخلاق ...ورحابة صدر ..وأطباعن جميله والكرم ..والصدق .. مع رحمه غشاها بالحناني وإمتثال الراي ...والكلمة تجي من دون ميله بالحكم واحساس صادق بالتجارب مستعاني وجهك أبيض ..قلبك أبيض ..مقتدي درب الفضيله وطول عمرك في تواضع مستبين وعنفواني قلتها والحق كلمه والصدق منبع سبيله وعن جميع الناس أحكي ما ذكر عنك بلساني بس (( كلمه)) والحكي يغنيك عن كثره قليله ( الكلاب )) أكرمك ربي ماتبيح إلا تُهاني !!

أدوات القصيدة

النسبة 2.89/5 (19اجمالي)

• 1
• 2
• 3
• 4
• 5