|
ابدي بذكر اللي له الحمد ينقال
واستغفره عن كل قولٍ اقوله
يالله تجنبني عن القيل والقال
يالواحد اللي كبرو واسجدوله
بسم الله الرحمن وابدي على أال
واباتوكل واختم بعجز ااوله
سلام ياعبس الوغا عبر الاجيال
بني رشيد بكل ديره ودوله
ربعن لهم بالطيب مسكن ومدهال
ماهمهم غدر الزمان وميوله
يومنها مابين فارس وخيال
يوم المراجل ماتجي بالسهوله
لهم على روس المشاريف تمثال
تطعن وتطعن مع عيال الحموله
رضيعهم يسوى ثمانين رجال
ورديهم يازن بلد في فعوله
خويهم يبشر بعزه اذا مال
وقته وعيت لاتفيده حلوله
صعبه يروح الا واهو رايق البال
ياحظ منهو انتخا وفزعوله
والجار له شيمه وقيمه ومنزال
بقلوبهم يلقى غلاه وينوله
مايشكي الضيقه والا يشكي الحال
مايستضيق وعبسي اليوم حوله
وعدوهم يصبح ويمسي بزلزال
يموت غيض ولايحقق ميوله
عدوهم مهزوم في كل الاحوال
ياويل من هاز الرجال ونووله
من عصر عنتر مجدهم حي لازال
تاريخهم نسل الحرار شهدوله
بني رشيد الزول وافين الاميال
ماهي قبيله تقدر تقول دوله
تشهد لهم كل القبايل بالافعال
لهم بدرب العز صوله وجوله
من طاب يلقى مع هل الطيب مدخال
والا الردي يبطي عضم مايطوله
كل القبايل وافيه فعل وجزال
كلن بدرب الطيب يسرج خيوله
حقن علي وكلمة الحق تنقال
ماذمهم كلن شهدله فعوله
تمت وصلو يالربع عد من قال
بسم الله الرحمن في صدر قوله
على النبي المصطفى طيب الفال
احمد نبي رب العباد ورسوله
|
