|
أشرقت شمس جفت بأكسجين الحقول
واغربت مستحيل أحلم بنسيانها
ارتجفت ووقفت وصار فيني ذهول
ولّعت نار وأنا صرت دخانها
خلّف آدم وحواء بنت غيداء دلول
تبتهل شر والاّ خير لأخوانها
لو يصيب العيون من المحبه كسول
اخضعت رؤوس قوم لسيف سلطانها
ويش معنى النحل لولا العسل يا امعسول
وويش معنى القلوب بدون وجدانها
كيف با امنعك وافتح لك جميع القفول
رحت تسرح وتمرح وسط بيبانها
القصيده على شانك تصول وتجول
اخلقت نفسها من ضلع شيطانها
من يدوّر على الحكمه براس امهبول
وأنت حكمه خلقك الله على شانها
في عيونك سوالف ويش تبغى تقول
خلها تشرح القصه وعنوانها
اطعن الخوف كن واثق بكل الحلول
شرد الأفكار قلّي ويش برهانها
قبل تندم بما تفعل على ما تنول
حاسب النفس قبل احساب ديّانها
خلّنا ننفض غبار السّنين المحول
في حضن جنّة الدنيا وريضانها
كل كلمه بريئه للخطيئه غسول
فرشت لك طيور الحب جنحانها
شفت من سبع بعيونك محل وابوهول
والحدائق وبرج إيفل بحجانها
يضوي الرمش الأسود فوق طرف(ن) خجول
وبين مثل الشّفق مزنه وربانها
وعنقك اللي مثل عنق المهاه الجفول
الحذر شم ماهو شوف با اعيانها
وبين متنك وصدرك والردوف امعزول
جل من يعطي النعمه ومنّانها
ضام ساقيك من ردفيك ثقل الحمول
يرجح الكيل بالكفه وميزانها
فيك من كل شكل بكل لون امعمول
وكل الأشكال لونك ذاب بألوانها
وفيك كلك على جيلك جميع الفصول
وفيك كل الزهور الخضر بأغصانها
وإلك باقة ورود الحب خذها قبول
وإلك دوله برئيسها وسكانها
أنت دره ماتشبع منك كل الفضول
قطرة(ن) من ندى ماشرب عطشانها
ماتخيلت من شفتك على كل زول
اضمحل بعيوني شوف خلاّنها
كان مافيه غيرك مايثير العقول
كل ورده تموت بوسط بستانها
يمدح السوق من يربح بدى ياعذول
اترك الناس رابحها وخسرانها
آه لو جابت القدره شداد وذلول
ماتضيق الوسيعه بين ضلعانها
نسترد النّفس بالأرض عرض(ن) وطول
وانتبادل عزاء الدنيا وحرمانها
بس ماني على قسمة وكيلي عجول
الله اللي رفع نفسي ولاهانها
عزة النفس تبقى والغريزه تزول
ماتموت النفوس إ يموت جثمانها
|
