يا سلامي عدد ما تنبـت القـاع عـود = مـن ضميـرٍ تغنـا والعـرب تسمعـه من بلاد الصبـاح ليـا بـلاد السعـود = نعرف الشعـب واحـد والغـلا يجمعـه مـا يفـرق ترابطنـا كـلام الحسـود = حبلنـا قسـوة الايـام مــا تقطـعـه ثبـت الديـن ربٍ بالحـيـاة امعـبـود = وارسـل المصطفـى والمهتـدي يتبعـه لـي لفينـا لربـعٍ دوم ترقـا سـنـود = والله انه الشـرف فـي قدرنـا ترفعـه ما لنا بالحدود الطيـب مـا لـه حـدود = طيبنا وين ما رحـت الجهـات اربعـه كـل مـا زادت العربـان حنـا نـزود = العـرب تجتهـد بالطيـب وتشجـعـه وكل فعلٍ على نهج الصـواب امحمـود = دام فينـا رجـال العـرف والمنفـعـه وربعي اللي غلاها مـن وفاهـا يسـود = عشقـةٍ فـوق عـرش القلـب متربعـه الرشيـدي مجمـل بالمكـارم يـجـود = لا نخيتـه جنـون الارض مـا تمنعـه كاسرٍٍ نـاب داب وضاريـات الاسـود = لو تجمع عليـه تخـاف مـا تصرعـه من وراه القبيلـة فـي وطنهـا جنـود = الخـوي تنفعـه والمعـتـدي تـردعـه يا بني عبس ياللي عنـد قـدح الزنـود = تكعـم العـايـل المـقـرود وتسنـعـه ما يجي واحدن بيـن الجماعـه شـرود = لا توخـر علـى درب السنـع تدفعـه ( افخر اني رشيدي ) عبس ورث الجدود = والشواهـد موثقهـا علـى المطبـعـه

أدوات القصيدة

النسبة 3.25/5 (12اجمالي)

• 1
• 2
• 3
• 4
• 5