قصيدة بعد حدثٍ لم يحدث ! أحمد اللي عيّا لاتضيع أحلامي سدى حقق الاحلام سبحانه رب العالمين ما في شي يبعد على الله لو نتباعده ولاّ انا يا ناس ويني وهذا الكنز وين من صغير احلامي بشوفته ومواعده صار ملكي وصرت ملكه وجيتوا مباركين لوعرف باول خطاياه قلبي ما اسعده يوم دق الباب او قلبي او دق الثنين من عيونه ونظرة عيونه المتردده شفتني وياه في ما بقالي من سنين ينتفض قلبي واهدّيه إهدا ما هدا ينتفض وانا اللي ظنيت لي قلب رصين اكتشفت احساسي بالحب لحظة مولده وانتثرت افراح واحلام واشواق وحنين عشت قصة حبنا لحالي دون مساعده كان قلبي يحب عني وعنه اجمعين ويوم صارحته بكل شي قال: انه ابتبدا بالمحبه قبل انا لا اتكلم بسنتين ماهقيت ان الصراحه ترد بفايده ليت خوفي ما منعني اقول الكلمتين إيه احبك من هنا لين ما اعرف مدى إيه احبك يا بعد كل هاللي سامعين ما ترك حبك في قلبي مشاعر خامده كلها قامت تلبيّ فروضك طايعين ليتني قلت الذي اقصده و ما اقصده المهم اقول كل اللي باعماقي دفين اللي فات من العمر ماله داعي نردده خلنا في الحاضر اللي نعيشه مهتنين أوعدك ما راح اخليك لحظه واحده واوعدك تنسى ان في الماضي لك قلب حزين واوعدك ما ردك بشي قلته ما عدا انك تروح و تخليني فوق الساعتين واوعدك كلما تزاعلنا ما اسأل من بدا شرط اقول الحق وياك وحنا آسفين واوعدك تبقى في قلبي لحالك سيده ما يثير احساسه الا انت دون الباقيين واوعدك كل القصايد تحاول جاهده تنصفك بالوصف وربي على هذا يعين ولا انا ما راح اطالبك حاجه زايده مطلبي نبقى على الحال هذاعاشقين وش بيطلب قلبي اكثر ما دامك في يده كان عنده حلم و حققه رب العالمين اشهد انه ما ذخر شي عني واحمده ولا انا يا غالي ويني وهذا الكنز وين

أدوات القصيدة

النسبة 2.33/5 (6اجمالي)

• 1
• 2
• 3
• 4
• 5