|
ماهو بكيفي ولكني على النية؟
اجيك كلي واطالع وردي شفاتك
ماقصد بها شي لكني على النيه
انسى همومي واجي ودي بضحكاتك
واموت فرحة لو عيونك تجي فيه
واقول كل الغلا ساكن بلمحاتك
اما الوفا ياحياتي ساكن هنيه
في وسط قلبٍ تعب من كثرة سكاتك
شايف حياته مع طبعك رماديه
دايم بنفسي اعدي بعض غلطاتك
واعلمك كيف تهويني بأنانيه
لكن جروحك ترافق كل كلماتك
واذا سألتك تقوليلي مزاجيه
واقول بكره تجين بفكرك وذاتك
وانا عشانك اعديها لك شوية
حرام ضاعت حياتي بين صدماتك
يعني بلاش العتب والهم مو ليه
يلعن غرامك ترى مليت نظراتك
يالله عسى ينتهي حبك وطاريّه
مليت همك وغربالك وزلاتك
ياشين طيشك وجهلك يالكويتيه
باكر تحري دموعك مع نهااياتك
ابكتب اسمك على العنوان مرثية
وان مر طيفك ابمحي صورة شفاتك
ماهو بكيفي ولكني على النيه
|
