|
عساك فالجنه تخاوي الصحابه
بسم الله ابدي وانتهي بالكتابه
بسم العزيز اللي على الذكر موجود
اطلبك يارب الدعاء والاجابه
من قلب يعرف رحمتك مالها حدود
تنشي على قبره كريم السحابه
سحابةٍ فيها العطا دايم يزود
وتصبر اللي يشتكي في غيابه
واللي يشوف الدار من عقبه تسود
في غيبته تغشى القلوب الكآبه
يالله بأمانك تسكنه جنة ورود
هو خادم البيتين بأول شبابه
هو قايد الطولات ومعلم الجود
يازارع البسمة بوجيه الغلابه
يامعطي اللي يرتجي منك مردود
طيبك على كل العرب ينحكى به
الطيب من طبعك وخلق الله شهود
عساك في جنة تخاوي الصحابه
مع نبي الله يوسف وداوود
|
