|
خلك معي مدام مافيك تغيير ياللي حرمت العين من لذة النوم
وقفت مدري كيف اجيب التعابير
في يوم ميلادك عسى عمرك يدوم
في يوم ميلادك اهل التباشير
وافرح بتاريخه واقدره واقوم
عسى حياتك كلها خير في خير
بقولها دايم مهو بس هاليوم
لأنك حقيقه شخص في داخلي غير
لبستني طيبك على صيغة هدوم
يتلني قلبي لشوفتك واطير
حتى ولو حيلي من البعد مهدوم
ياللي هويتك يوم انا توي صغير
واخترت حبك يوم انا كنت محروم
ابشر بقلب(ن) مايجي فيه تقصير
من واحد بُعدك يخليه محروم
لاحس لا رغبة ولا اي تفكير
يعني اعيش انسان غامض ومكتوم
خلك معي مدام مافيك تغيير
ياللي حرمت العين من لذة النوم
|
