|
في مجال احكي معك لو كلمتين؟
في نهار السبت من قبل سنتين
ماعرفت ارتاح من هاك السؤال
وينها هالحين والخفاق وين
ليه ماتسأل عساها للزوال
سالفتها كلها علم ويقين
اسمعوها واحكمولي بالعدال
شفت لي بنت تلاعب باليدين
والبشر من زينها جاهم هبال
هي غزال كلها رقة و زين
وصفها احلى من وصوف الخيال
حيل اتوه ان أشرت بالحاجبين
وانشغل في زينها ايام و ليال
جيتها واشرت في يّدي اليمين
قصدي اتكلم مع حلو الخصال
طالعتني كن فيني كل شين
حيل مغروره وانا هاوي جدال
قلت اجرب حظي النحس الحزين
جيتها اسأل عن اسباب الجمال
قلت وش فرق الزهر والياسمين؟
ردت بضحكة دلع مدري دلال
قلت قام الحظ مع عقل رزين
ول ياحظ(ن) بغى صعب المنال
قلت انا ضايع وادور لي حنين
قالت اخلص فكني يا ابن الحلال
قلت ابتكلم معك لو كلمتين
واشرح لعينك تعابير الوصال
ما ابي اكثر ترى من لحظتين
هذا رقمي كان حصلتي مجال
قمت اناظر هاتفي وانطر رنين
واتعبث لين ماجاني اتصال
قلت الو واهلين ياحلو الجبين
وانصدمت بضحكة عيال ورجال
قال فيصل؟ قلت انا اسمي حسين
قال تمزح؟ يارجل يالله تعال
قلت وين؟ وقال لأحوال القرين
طالبينك في قضية مع غزال
انبهرت وقمت اطق الأصبعين
قفلت في دنيتي كنها محال
رحت سكرته حوالي ساعتين
ماوعيت الا وبعض الفكر زال
سالفة صارت معي قبل سنتين
منها ماقمت افكر بالسؤال
|
