|
مقتطفـات كتبتها وعساها تعجبكم
اكتب رسالتك , جهزها وطرشها
مافيه احلى من مراسل هوى بالك
دايم تحارشك ؟ ياخي روح حارشها
على الاقل لو تطرش اخر احوالك
انا من اول امس ريقي ناشف
ودي بصوتك لجل ابلل ريقي
دخيل ربك دام عندك كاشف
شوف اتصالاتي وفرج ضيقي
تدري وش اللي خايف(ن) منه الفؤاد
انك بعد هذا الغلا تطلع ولد
من عقب ماقلبي ينادي لك ريناد
تصدم خفوقي ثم اناديلك حمد
الله يجيبك من بعد هالغيبه
ياللي غيابك ماخذ(ن) تفكيري
قلبي انا حبك وهذا عيبه
والمشكلة قلبك يموت ب غيري
في مجال احكي معك لو كلمتين؟
واشرح لعينك تعابير الوصال
ما ابي اكثر ترى من لحظتين
هذا رقمي واتصل يابن الحلال
ليه جازيت المواصل بالجفا
ما اطيق الصد ياعمري تعال
لاتحسب الحب من بعدك طفا
دام لي قلب(ن) سريع الاشتعال
كثر الجفا في حق الاشواق غلطة
يامكثر اغلاطك على حق شوقي
لو كان لي في حكم الاخلاق سلطة
في ذمتي لآخذ بيّدي حقوقي
سببت لي من كثرة البعد جلطة
عدّت !! ولا زالت تعاند عروقي
|
