منـوعات بقلمي (كيبوردي) تقبـلوها كما كُتبت كيبورديه ياناشدٍ عني ترى فيّ ضيقه اضحك واسولف لكن القلب ملتاع والهم ماظني عيوني تطيقه على الحبيب اللي معه حسن الاطباع ياهم مالك والجروح العميقه ابعد توكل لاتجي يم قطّاع خله يبّل من التوافيق ريقه خله يشوف البسمة اللي بها ضاع خله يطيّب خاطر المستضيقه اللي عليها زين ماهوب خداع ياهم تكفه لاتقرب طريقه خل الفرح لعيون قطّاع ينصاع والضيقه اللي فالحشى مستفيقه شلها لعينه دام قدرتك تنطاع ماني بناقص ضيق وتقول ضيقه شفني اسولف معك والقلب ملتاع كيبوردية والسموحة من بن فطيس ماني بمن يشبك ولا يدرى به نكٍ عرض لي ماحسبت حسابه كتبت يوم الشات ضيّق صدري وابديت رايي والبشر تتشابه احدٍ خياله صوت واحدٍ يكتب واحدٍ يحب المنتدى واصحابه و احدٍ يفرفر فالمواقع كنه نصاب طايح في هوى نصابه بعض المواقع ماتجيب النفعه والبعض الآخر كلها طلاّبه دخلت لي موقع يجيب الضيقة قلت اتعبث فيه لين ارضى به يومي دخلته ضعت فيه وكني طفلٍ صغير وضايعٍ في غابه حاولت اقزر دامني بطّالي قلت ادخل الصوتي بلاش اكتابه لقيت نفسي منشغل بأسماهم ريما ونوف ونورة وعنّابه قلت ابرك الساعات يومي جيته الموقع اللي صورته جذابه ابدخله دايم واجيه لحالي عل وعسى قلبي يشوف احبابه بس انصدمت وجاني اللي جاني من واحدٍ سولف وفك إنقابه عرفت ساعتها بأني ضابع وان الاسامي نصفها كذابه ريم طلعت خالد , ونوف > مساعد نورة سعد والأخرة مرتابه خافت تسولف وانصدم واصدمها قلت انسحب منهم بدون اطلابه طلعت منهم والتعب راكبني والنفس من زود التعب منسابه قطّاع! لا والله غديت مقطع كلٍ على حظي مكشر نابه وبدال هالموقع بلاقي غيره يجي بداله دام ربي جابه 1 اذكر محاسن من تولع بك ومات وانا خفوقي مات من دون طاري العمر واحد مايجي عشر مرات والموت بعيونك هواي وقراري 2 اكبر قهر لاشفت خلٍ توده ودك بقربه مير قلبه مع الغير لابيدك وصاله ولا انك تهده وغصبٍ على عينك تمنى له الخير 3 قلتي فراق وقلت حيّ المفارق ماني ب ميّت لابغيتي تروحين خايف عيونك من فراقي تغارق واخاف من دمعات عينك تموتين 4 ليه ساكت ماتبي تحكي معاي ؟ او تبي نبدأ علاقة من سكوت آه ياخوفي تحلق في سماي وان بغيت اطيرلك ما اوصل واموت 5 واللي يخلي عيونك لاتكلمني اخاف لاقلت كلمة جيت لك كلي وامانتك لانويت البعد علمني خايف اذا رحت عني يبتعد ظلي 6 الهاتف اللي تطلبه لاتعيده يمكن اذا عدته تشوف البلاوي اللي تبي كوّن علاقة جديده والظاهر ان اللي يحاكيه هاوي دمتم غالين

أدوات القصيدة

النسبة 2.67/5 (3اجمالي)

• 1
• 2
• 3
• 4
• 5