|
لها فترة واتمنى لها القبول
ياصاحبي ماكل ممنوع مرغوب
ولاكل مايطري على البال ياتي
اسمع إذا مالك مع الناس مطلوب
ودي اسولف لك واقول امنياتي
في خاطري كلمه لو العمر محسوب
كلمة وعيت لاتفارق شفاتي
خليتها في صوب والناس في صوب
كتبتها في سيدة غالياتي
الجادل اللي كلها حسن واسلوب
اجمل حكاية عانقت ذكرياتي
حبيتها ماهو كلامٍ بمكتوب
واهديتها فوق المشاعر غلاتي
عن حبها ماظنتي اقدر اتوب
ودي بها لو زودت سيئاتي
نذرٍ علي ان شفتها لأقلب الثوب
واكتب لها عقب القصيدة وصاتي
ماهو جهل يوم البس الثوب مقلوب
ودي ابين كيف صارت حياتي
جتني وانا مابين ميـّت ومنكوب
و اقفت وهي تحمل شهادة وفاتي
صدت وانا قلبي من البعد مسلوب
راحت وانا اردد غناتي , غناتي
|
