|
من القلب
قالـت : تعـال وطلبتـك لاتخلينـي
الحال عقب المفارق صعب ما اطيقه
قلت : اسمحيلي وروحي يانظر عيني
صاحبك مازارت الفرحـه معاليقـه
من يوم رحتي وانا مابينـي وبينـي
مغير اردد ( عسى الله يلعن الضيقه)
شوفي جروحي بكت من حر مافيني
حتى خيالي من الصدمة نشف ريقه
والشعر لامن كتبته جـرّح إيدينـي
وانا من اول مسافر مـع طواريقـه
ضيّعت درب الغرام وضاعت سنيني
وانهيت حظي بعـد ماقـلْ توفيقـه
والحين جيتي بعـد غيبـه تنادينـي
حلمك وكيفك ! ولكن صعب تحقيقـه
مالـك مكـان بخفوقـي لاتحاكينـي
سبحانه اللي يهوّن عـن مخاليقـه
|
