|
قصيده اتمنا ان تحوز على رضاكم
كلفتي نفسك حيل يوم اتصلتي
ماكان له داعي حقيقه اتصالك
سنتين خنتيني وعقبٍ سئلتي
وش فايده عقب الخيانه سؤالك
على العموم بخير مهما فعلتي
مرتاح في شمسي ولا بي ظلالك
بس الغريبه كيف انتي وصلتي
للحال هذا وصار هلحال حالك
وشلون من عالي مقامك نزلتي
في عين من طحتي من اول وشالك
لاتسكتي وشفيك يعني انخذلتي
عادي انا ياما خذلني وصالك
كانك زعلتي وش يصير ان زعلتي
مشكلتك انتي هي مالي ومالك
الظاهر انك ناسيه ويش قلتي
ليه يومني كنت كلي حلالك
اجمل ليالي العمر بيدك قتلتي
طعنتي قلب اللي عنالك وجالك
ياليت يوم انك حكمتي عدلتي
ماكان قلبي شاف حبٍ بدالك
هذي عمايل يدك اللي عملتي
جزاك من فعلٍ فعلتيه نالك
بقولك حاجه مدام اتصلتي
لاعاد عقب اليوم اشوف اتصالك
|
