ماهي غريبة تجرّحني بنظراتك كل الغرابة انا اغمضت بك عيني تبي المفارق وهذي فرصة وجاتك دام المحبة تذوب شموعها فيني روح ونهاية طريقك في متاهاتك واروح ويبدا طريقي بي وينهيني تذكر يوم الود طفل ٍ في بداياتك فينا متمسك ويمشي بينك وبيني مشهد بغيتك تشوفه للاسف فاتك تعبت اشاور عليه وانت تلهيني ورد الشبابيك مايل في اتجاهاتك كنه ينادي عبيرك لا يناديني مالومه الورد يغار وهذي شفاتك من غير حمرة جورية في بساتيني كنت بكلامي متأمل لحظة سكاتك واقول في قلبي وشهو اللي معنيني يا قلب لا تستبق الاحداث دقاتك دامه معي تنتظم ايامي بسنيني النية احبك ولا ادري عنها نياتك والصدق في كلمتي ونظراتي مشقيني تفكيرك بعيد وابعد من مسافاتك بعد النظر يا سموك متعديني ما عاد لي لو هي لمحة في رسوماتك من عقب ما كان معرضها عناويني لكني ابقى بشملي وانت بشتاتك درب ٍ نهايته مقفي وينه و ويني بحب ناس وتحبني حبك لذاتك واللي خلق بي شعوري ما يخليني واليوم شفني متعلي فوق هقواتك ما عاشت عيون تسهرني وتبكيني

أدوات القصيدة

النسبة 3.82/5 (11اجمالي)

• 1
• 2
• 3
• 4
• 5