|
* نشرت في جريدة القبس الكويتية يوم الجمعة 5 فبراير 2010م الموافق 21 صفر 1431ه العدد13179
غريبٍ تاه في دنياً غريبة
قضى عمره يدوّر عن حبيبة
خيالي وأبحر بعالم خيالي
عنيد أطباع وأفكارة عجيبة
حكيم أحيان واحيان متهوّر
وحتى العيد في نفسه يجيبة!
من الأغرب هو الأكثر غرابة
من اللي داسو بساط الرحيبة
وأكثر شيء يشبه له تماماً
نخيلٍ تلعب الريح بعسيبة
عيوبة أكبر عيوبة مثالي
مثالي بهالزمن..واللة مصيبة
مصيبة غير عن كل المصايب
جروح الوقت وطعونٍ عطيبة
على اللة خلّها دايم على اللة
إلهٍ يعلم النمل ودبيبة
وإذا ضاقت بوجهك لاتضايق
على اللة يانما ماهي صعيبة
عليه أسهل من أوماية يميني
بهاللحظة لو ظروفك عصيبة
تقول: أكيد أنا داري وعارف
وأنا مثلك مصيبتنا.. مصيبة!
شعر: بندر بن نواف الرشيدي
لزيارة الرابط أضغط هنا:
http://www.alqabas.com.kw/Article.aspx?id=574478&date=05022010
|
