كتبت لك والقلوب اسرار + من صادق القلب والنيه



يامرحبا ياهوى الأشعار

من عز فكري وطاريه

كتبت لك والقلوب اسرار

من صادق القلب والنيه

مابين وصفك وزينك نار

والوضع يبغى له شويه

شيل العوايق مع الأسوار

وافتح دعاويك بحريه

ياغاية الشاعر المحتار

بالله يكفي انانيه

ماقلت لي ياغريب الدار

ايش اللي جابك لي هنيه

اخلفت قلبي ولا ادري اشصار

واشغلتني بالمزاجيه

جيتك وقلبي لقلبك سار

مابين روحتك والجيه

لاجيت ابوصف اجي منهار

والشعر يكشف بلاويه

حمر الشفا والعيون كبار

والوصف ميه على ميه

ورسوم خصرك كما المسمار

وردوف ماهي بعادية

والعنق يطريه سابع جار

ولا الجدايل خياليه

والخد يبرق كما الأنوار

والطول يزهى براعيه

والصدر فتح مع الأزهار

ياصورة الزهره الحيه

ماتنطوي وصورتك تذكار

في وسط نفس شقاويه

واليا طريتك مع الأشعار

حييت ذكرك وطاريه

جميع الحقوق محفوظة لــ ديوان الشعر

http://www.3bstv.com/dewan/